तू कशाला _ कविता
तू कशाला _ कविता तुला तुझीच ओढ अन माझी साथ कशाला. एकांत जरी उरला तुझी दहशत कशाला. घार झाला माझाच जीव तुझी शिकार कशाला. वाट तुझीच शोधत गेलो तुझ्या जंगलात कशाला . उसळत गेलो नदीसारखा स्थिर तुझा काट कशाला . वणव्यात गेले आयुष्य माझे वरती अश्रू तुझे कशाला. नशा चढली भलतीच तुझ्या साठी वेगळी नशा कशाला. अत्तरातून वेगळा झालो फुलांची संगत आता कशाला . गंध गेला दाहीदिशा ती दिशा आता कशाला. उरलो जरी गर्दित एकटा सोबतीला तु कशाला. तुझ्या पालखीला हात माझा माझ्या अंत्ययात्रेत तू कशाला कवि. रा.भा.मेकेवाड